廣東話版網頁

09/04/2020

一直強調香港人身份,但我哋公司連中文名都冇,好似唔係好妥。

於是我哋做咗一件事:我哋整咗個廣東話版網頁

如果你問我,整個廣東話版出嚟有咩用?呢刻我哋其實諗唔到,我哋淨係知之後再更新網站內容要每樣寫多份,但喺自己網站上可以用自己語言,呢件事係開心嘅。

花時間同心思,做返一啲自己覺得想做、應做嘅事,尤其呢啲事唔係最合成本效益嘅時候,呢種自主選擇,或者就係我哋改名嗰陣想做到嘅agency

祝大家身體健康,祝我哋生意做得住。香港人加油。